Fonseca për të ardhmen: Nuk e di nëse do jem në krye të Romës

23:45 | 15 Prill 2021
Arditë Shkodra

Trajneri i Romës, Paulo Fonseca ka folur për të ardhmen e tij tek klubi italian.

“Giallorosët” patën një duel të vështirë ndaj Ajaxit në “Stadio Olimpico”. Ajax doli në avantazh përmes Brobbey në min (49’), ku pas shtatë minutash shënoi Tadic, por goli u anulua nga sistemi VAR.

Shpresat e holandezëve u shuan nga Edin Dzeko i cili shënoi gol në min (77’).

Fonseca u pyet nëse do të ishte në krye të “Giallorossëve” pas triumfit në Europa League ku Roma arriti në gjysmëfinale, shkruan lajmi.net.

“Nuk e di për vitin e ardhshëm. E di që do drejtoj Romën në ndeshjen e ardhshme”, tha ai.

“Nuk jam duke u preokupuar për të ardhmen”, shtoi ai.

“Por, jam i afërt me skuadrën, dhe kështu dita ditës bëj punën time, nuk e di se çfarë do të ndodhë”, përfundoi Paulo Fonseca.

Shpërndaje në rrjete sociale

Lajmet më të lexuara

Të ngjashme

Foto lajm